🌾ग्रुप ग्रामपंचायत गुळसुंदे🌾

आमच्या गावाबद्दल

गुळसुंदे गाव हे पनवेल तालुक्यापासून १५ किलोमीटर अंतरावर पाताळगंगा नदीलगत गाव वसलेले आहे.नदीच्या तीरावर सुमारे ८०० वर्षापूर्वीचे पुरातन शिवमंदिर आहे. तिथे दरवर्षी महाशिवरात्री निमित्त महाशिवरात्रीला मोठी यात्रा भरते. यात्रेला हजारो भाविक आपली हजेरी लावतात. शिवमंदिराचे पूर्ण बांधकाम दगडी कोरीव असून दर्शनासाठी भाविकांची व पर्यटकांची नेहमी वर्दळ असते. ग्रामपंचायतीच्या पश्चिमेला कर्नाळा किल्ला आहे.
गुळसुंदे येथे दशक्रिया विधी घाट असून पंचक्रोशीतील सर्व दशक्रियाविधी येथे होत असतात. लाडीवली येथे आपटा नावाचे कोकण रेल्वे स्टेशन असून कोकण रेल्वे चा मार्ग गावातून जातो.रेल्वे स्टेशन लोकेशनला सिनेचित्रीकरण होत असते. त्याची मिनी काश्मीर अशी ओळख आहे.